Мамандық таңдау

2018 жылдың 19 сәуірінде Қосақ негізгі мектебінде Елбасы Н.Ә.Назарбаевтың «Болашаққа бағдар: рухани жаңғыру» бағдарламасы аясында 8-9 сынып оқушыларымен сынып жетекшілері М.С.Абылова мен М.Е. Қосаеваның ұйымдастыруымен «Мен таңдаған мамандық» тақырыбында сыныптан тыс іс-шара өткізілді. Мамандық таңдауда оң шешім қабылдауға, еңбек қуанышын сезінуге, өзінің бойындағы қасиетін тануи білуге үйрету мақсатын көздеген бұл іс-шараға қонақ ретінде шақырылған Қосақ ауылдық фельдшері Смағұлова Б. және аудандық «Ауыл жаңалығы» - «Сельская новь» газеті бас редакторының міндетін атқарушы Манекеев М. өз мамандықтарына қалай келгендігі, оның қыр-сыры жайлы сыр шерте отырып, оқушыларға мамандық таңдау туралы ақыл-кеңестерін беріп, болашаққа жол сілтеді. Оқушылар болашақта қандай мамандық таңдайтындары туралы бөлісіп, қонақтарға тақырып төңірегінде көкейлерінде жүрген сұрақтарын қойып, тұщымды жауап алды.
Сонымен қатар мектеп психологы Шуртанова С.У. оқушылармен «Мамандықтың сыры» және «Мамандықтың бәрі жақсы» тақырыптарында тренинг жүргізіп, олардың мамандық таңдаудағы өз таңдауларының дұрыс екендігіне сенімдерінің артуына ықпал етіп, ерекше көңіл-күй сыйлады.
Іс-шараны 8-сынып оқушысы Базархан Д. және 5-сынып оқушысы Жақсылық Ш. әсем әндерімен көркемдеп, «Саған не тілесем екен, менің қымбатты досым?» жаттығуы арқылы оқушылар бір-біріне тілек айтып, аяқтады.